مدبولي: مصر بحاجة إلى 50 ألف فصل جديد سنويا لتغطية الزيادة السكانية

قال الدكتور مصطفى مدبولي، رئيس مجلس الوزراء، إن الدولة وصلت إلى حالة من التوازن السعري فيما يتعلق بالوقود والمحروقات في 2021.

وأضاف مدبولي خلال كلمته في مؤتمر صحفي : «وصلنا للتوازن السعري في 2021، معنديش دعم محروقات بـ155 مليار محطوطين السنة الجاية، كان كل اللي موجود 19 بيمثلوا أنبوبة البوتاجار، السؤال هنا الكلام دا ممكن الدولة تعمل بيه إيه؟».

وتابع: «في المرحلة دي كنا بدأنا مشروع حياة كريمة، وعلمنا صرف صحي للقرى المحرومة، أنا مش بقلص الموضوع عشان أقلل من الموازنة، بالعكس أنا أخدت المبالغ وحطتها في مكان المواطن محتاج له وفي أشد الاحتياج له».

وأكمل: «كل عام مع الزيادة السكانية اللي بتحصل محتاجين نبني حوالي من 40 إلى 50 ألف فصل جديد، يعني 50 مليار جنيه لإنشاء مدارس تتواكب مع الزيادة السكانية، أنا هنا مش بتكلم عن المدرسين اللي المفروض يتعينوا ولا رواتبهم، وأنا لو قدرت النهارده أعمل نوع من الوفر، هركز أزود وأكثف من بناء مدارس ومستشفيات وانهي مشروعات زي الصرف الصحي في حياة كريمة».

وأكد رئيس الوزراء أنه في أي لحظة نرى فيها أن هناك احتياجا لتقديم حزمة اجتماعية، فإن الدولة لا تتأخر.

وأوضح: «كام مرة بناء على توجيه الرئيس السيسي تدخلنا بحزمة إجتماعية جديدة وحزمة حماية؟، وهنا لازم أرشد، أرشد ليس المقصود بها أخفض، الترشيد إني استخدام موارد الدولة، وكيفية عمل أفضل استغلال ممكن بها، فكلمة ترشيد لا تعني تقليل، والوفرة التي نأخذها من بند، نقوم بإضافتها في بند آخر».

وواصل: «أنا كمواطن يبقى عندي الحرية، عندي هذا الرقم في حسابي بينزلي كل أول شهر، أنا شايف احتياجات أسرتي وظروفها إيه، وهي دي التفاصيل اللي احنا عايزين نخرج بيها من الحوار المجتمعي، وفي الآخر إيه الرقم المناسب اللي نبدأ بيه».

وأكمل: «النهاردة عدد المستفيدين من منظومة الخبز 71 مليونا، والتموين 62 مليونا، وبالتالي نحن نعيي أن هذا العدد في احتياج للدعم، لكن الأفضل له طبقًأ لظروفه ياخده كفلوس ويعرف يستفيد منه».